Zuhamu . 

Aurkezpena

​

Bi emakume, bi akrobata, bi lagun, bi ahizpa, bi ezezagun, bi errefuxiatu, bi gizaki ihesean, higaduran dagoen mundu batetik ihesi. Noraezean, haien oinazean, zuhaitz batekin topo egingo dute. 

Zuhamuk zuhaitz batek egin dezakenaz hitz egiten digu : grabitatearen aurka ur kantitate handiak ponpatzearen ahalmenaz, bere erresistentziaz, erresilentziaz, pisua jasateko eta bizitzari eusteko haren indarraz, hondamendi eta uholdeen legeen aurka eginez, lurra mantentzeko eta babesteko duen dohaiaz.

Baina baita zirkuak egin dezakeenaz ere, bizitzaren indar gobernaezinei zentzua ematen laguntzen duten metaforak egiten dituen giza ahalmenaz. Zirkuak berezko dituen mugak desafiatzen ditu, gorputza erorketaren edo heriotzaren aurrean jarriz. Edertasun mingarri honek, zuhaitz baten barruan ikusezina den misterioarekin bat egitera gonbidatzen  gaitu.

Akrobata bat zirkuarentzat, zuhaitz bat lurrarentzat eta zeruarentzat dena da.